Суперлига-2024. Бир киши кам бўлиб қолган "Локомотив" "Навбаҳор"га йирик ҳисобда ютқазди

"Навбаҳор" - "Локомотив" 4:0
5 май 2024 йил. Наманган, "Марказий" стадиони. 18:00
Ҳакамлар: Азиз Асимов, Никита Афиногенов, Дилшод Жуманиёзов, Никита Мустафин
ВАР: Рустам Лутфуллин
АВАР: Акмал Раҳимов
Назоратчи: Жаҳонгир Саидов
Комиссар: Диёр Хотамқулов. 

Гол: 1:0 — 29, Жамшид Болтабоев (Аброр Исмоилов), 2:0 — 50, Одил Ҳамробеков (Жамшид Искандеров), 3:0 — 62, Йован Жокич (Жамшид Искандеров), 4:0 — 90+4, Сияваш Ҳақназари.

"Навбаҳор": 1. Ўткир Юсупов, 7. Азимжон Аҳмедов (с), 9. Одилжон Ҳамробеков, 10. Жамшид Искандеров (8. Сияваш Ҳақназари, 84), 11. Асадбек Собиржонов (17. Русланбек Жиянов, 77), 13. Филип Иванович, 14. Жамшид Болтабоев, 22. Тома Табатадзе (71. Наврўзбек Иминжонов, 83), 23. Йован Жокич, 34. Фарруҳ Сайфиев, 77. Аброрбек Исмоилов (6. Иброҳим Йўлдошев, 70).

Захира: 12. Александр Лобанов, 19. Шерзодбек Абдулбориев, 21. Гиорги Никабадзе, 24. Достонбек Абдулҳаев, 27. Озодбек Ўктамов.

"Локомотив": 1. Абдумавлон Абдужалилов, 2. Абдулазизхон Абдурашидов, 4. Иван Рогач, 6. Шерзод Комилов (55. Анзур Исмоилов, 46), 7. Сардор Абдунабиев (28. Қувончбек Абраев, 81), 8. Дамян Крайишник (27. Собит Синдаров, 73), 11. Иззатилла Абдуллаев (10. Иван Булатович, 53), 14. Дилшод Комилов, 17. Санжар Турсунов (с), 22. Муҳаммаданас Ҳасанов, 26. Абдуллоҳ Йўлдошев.

Захира: 16. Данил Бакланов, 32. Суҳроб Султонов, 23. Жаҳонгир Ҳошимбоев, 77. Лазизбек Мирзаев.

Огоҳлантириш: Шерзод Комилов (45+2), Дилшод Комилов (54).

Четлатиш: Дилшод Комилов (75, 2СК).

МАТНЛИ ТРАНСЛЯЦИЯ

ЯНГИЛАШ

УЧРАШУВ ЯКУНЛАНДИ!

90+4. ГОЛ! Захирадан майдонга туширилган Сияваш Ҳақназари Жокичнинг зарбасидан сўнг дарвозабондан қайтган тўпни дарвоза тўрига жойлаб қўйди!

90+2. Сайфиев Жокични қулай вазиятга олиб чиққанди, аммо жамоадоши тўпга ета олмади. 

90. Иккинчи бўлимга 5 дақиқа қўшиб берилди.

84. "Навбаҳор" таркибида кетма-кет ўзгаришлар содир бўлмоқда.

78. Мезбонларнинг стандарти хавфли кўриниш олди, Иванович якуний зарбани йўллашда аниқ ҳаракат қила олмади.

75. Дилшод Комилов Табатадзени қўпол равишда тўхтатиб қолгани учун иккинчи сариқ карточкани қабул қилиб, майдондан четлатилди.

70. Навбаҳор"да ўзгариш: Йўлдошев Исмоилов ўрнига майдонга тушди.

69. Меҳмонлар томонидан йўллаган зарбани Юсупов хотиржам тарзда ушлаб олди.

62. ГОЛ! Искандеровнинг ажойиб узатмасидан сўнг рақиб посбони билан бирга-бир вазиятга чиқиб борган Жокич пасни моҳирлик билан ниҳоясига етказди.

61. Меҳмонларнинг стандарт вазияти хавфли кўриниш олди. Крайишник жуда яқин масофадан аниқ зарба йўллай олмади.

57. Табатадзе "Локомотив" дарвозабони билан бирга-бир вазиятга чиқиб борди, аммо унинг кучсиз тарзда йўллаган зарбаси Абдужалиловга қийинчилик туғдирмади.

54. Жамоаси ютқазаётган Дилшод Комилов вақт чўзгани учун огоҳлантирилди.

53. "Локомотив" таркибида ўзгариш: Абдуллаев ўрнига Булатович майдонга туширилди.

52. Иззатилла Абдуллаевнинг олисдан йўллаган зарбаси ноаниқ кўриниш олди.

50. ГОЛ! Бурчак тўпидан бошланган ҳужум Ҳамробековнинг чап оёқдаги аниқ зарбаси билан якунланди! 

48. Мезбонларда хавфли вазият юзага келди. Табатадзенинг пасидан сўнг Искандеровнинг 18 метрлардан йўллаган айланма зарбасига бироз аниқлик етишмади.

46. Иккинчи бўлим бошланди. Анзур Исмоилов Шерзод Комиловни алмаштирди. 

Тайм якунланди.

45+2. Собиржоновга нисбатан қўполлик ишлатилди. Унга тиббий ёрдам кўрсатилмоқда. Вазиятга норозилигини билдирган Шерзод Комилов эса огоҳлантирилди.

45. Биринчи бўлимга 2 дақиқа қўшиб берилди.

45. ГОЛ! Табатадзе "Локомотив" дарвозасини ишғол қилди, бироқ ҳакам ўйиндан ташқари ҳолат қайд этди.

43. Одил Ҳамробековга нисбатан қўполлик ишлатилди. "Навбаҳор" ярим ҳимоячиси оёғида бироз оғриқ сезмоқда.

41. Комиловнинг чап қанотдан узатган тўпи жудадан жуда ноаниқ кўриниш олди.

39. Сайфиев "Локомотив" мураббийи билан гап талашиб қолди. Мураббий иккаласига ҳам чўнтагидаги предметни ишга солишини маълум қилиб, уларни тинчлантирди. 

37. Сайфиевнинг чап қанотдан узатмаси зарбага айланиб кетди, Абдужалилов ўз ўрнида.

31. Турсунов узоқ масофадан ўз омадини синаб кўрди, аммо унинг ўйлаган режаси амалга ошмади.

30. Исмоилов бир дақиқа ичида жамоасига ҳисобига яна битта гол ёздириб қўйишига бир баҳя қолди, бироқ у ўйиндан ташқари ҳолатда қолган экан. 

29. ГОЛ! Исмоиловнинг пасидан сўнг Болтабоев олис масофадан рақиб дарвозасининг пастки бурчагини аниқ нишонга олди!

25. Абдужалилов бу сафар Сайфиевнинг узатмасини бартараф этди. Мезбонларнинг қанотдан жарима майдонига ошириш услуби наф бермапти. Эҳтимол, Бабаян "б" режасини ишга солиши керакдир, бўлса агар. Шу билан бирга, меҳмонларда ҳам ҳужум қилиш хоҳиши йўқдек. 

24. Собиржоновнинг чап қанотдан узатган тўпини Абдужалилов эгаллаб олди.

21. Учрашувнинг дастлабки чорагида ўйин темпи юқори эмас. Мезбонлар ҳужумларида сўнгги узатмаларда ноаниқликлар кўзга ташланмоқда. Меҳмонлар эса ҳужумга ўтишга шошилмаяпти. Улар қарши ҳужумда омадини синаб кўрмоқчидек ёки рақибларининг чарчашини кутишмоқда.

16. Искандеровнинг бурчакдан узатган тўпини Аҳмедов боши билан шеригига оширди, аммо меҳмонлар бу пасни пайқаб қолишди.

Турнир жадвалидаги ҳолат билан танишинг.

14. "Навбаҳор" дарвозабони чап қанот орқали жамоадошини олға бошлади, аммо унинг кросс узатмасига аниқлик етишмади. Кейинги ҳужумда эса Собиржоновнинг чап қанотдан узатга тўпига ҳам аниқлик етишмади. Мезбонларда бу борада камчиликлар кўзга ташланмоқда.

Суперлигадаги танаффус чоғида икки жамоа ҳам Ўзбекистон кубоги гуруҳ босқичи доирасидаги ўйинларини ўтказишди. "Навбаҳор" "ўлим гуруҳи"да пешқадам сифатида кейинги босқичга йўл олган бўлса, "Локомотив" ўз гуруҳида қолиб кетди.

10. Мезбонлар чап қанотдан марказ томон Табатадзени олдинга бошлади, грузин ҳужумчиси эса тўпни тўхтата олмади.

Ўзаро ўйинларда тошкентликлар устунликка эга.

3. Мезбонларда хавфли ҳужум юзага келди. Болтабоевнинг ўнг қанотдан Табатадзе томон узатган тўпини "Локомотив" ҳимоячилари қийинчилик билан қайтарди.

1. Дастлабки дақиқадаёқ тўқнашув юзага келди. Табатадзе Комиловга шикаст етказди.

1. Учрашув бошланди. "Навбаҳор" футболчилари кўк, "Локомотив" ўйинчилари қизил рангли либосларда ҳаракат қилади.